september 2007:

Dei som daffar forbi

1

Dei som daffar, tøffar forbi

er enten

koselige, gamle

kjeltringar

eller sønesønene deira,

dei lyfter hender

ein einaste gong

til seige vink,

tause steile hundar sitt

fremst i båtane.

2

Båtane, båtane,

himmelflåtane.

Me er solveggane

dei må forbi,

me er solhjørnet

dei lyt runda,

me er dei lettkledde

vinkeenglane

langs leia.

Frå Hytteboka. Det norske Samlaget. Utgitt 15.09.07