ARNT BIRKEDAL - FORFATTAR

Tilbake til bokoversikta

Eg kan godt lika deg. Unge dikt. 1991
	”I eit hundreår som snart har nytta mesteparten av tida på å stå ved sida av seg sjølv og klaga over kontaktløyse, framandgjering og kommunikasjonsvanskar står han klokt truskuldig fram og er ein inkluderande poet som er glad i folk og unnar dei alle kjærleik – for vi treng det.” Jan Askelund i Stavanger Aftenblad ”Ho Hilde på butikken” rimer så pent og pyntelig i begynnelsen, før det halter i tredje strofe. Jeg antar det er tilsiktet, men hvorfor?” Truls Horvei i Haugesunds Avis
Innhald: JENTENE Den mutte, regntunge ferja 9 Bare hennar sykkel 10 Augustnatta er god mot andletet 11 Dei blåe fjella 12 Me treng alle nokon 14 Kopling 15 Gode armar 16 T-skjorte 17 Noko som går 18 Eg skulle kjent deg 19 Dagbok 20 Støvlettdag 21 Når du opnar 22 Eg kan godt lika deg 23 Eg har no skrive dette brevet 24 På julaftan, etter gåvene 25 Det same gamle julemysteriet 26 Timen mellom 27 Lys 28 Ho har ringt 29 Håplause telefonlydar 30 Ingen har hengt meg ut 31 Dela badevatn med ei fluge 32 Når han kjem ut 33 Ho har høyrt 34 Ho Hilde på butikken 35 3. august 36 -OG ALT DET DER Det var langt utpå våren 39 For lite 40 Aldri det same 41 Må få det ut 42 Når du har vakse frå 43 Nabohuset (eller borti her) 44 Svart katt, julinatt 46 Når 47 Krematorierøyken stig 48 Av og til 49 Kva er gale 50 Miljøvennlig 51 Eg er framleis langt frå trygg 52 Grunntrening 53 Disse militærøvingane 54 Våre vindar er trygge 55 Etter amerikanarane 56 Kvinna på haugen (i Irak) 57 Dei fæle banneorda 58 Byrjinga 59 Eg må ha dansa 60 Seglbrett Gerd (Brian Wilson) 61 Det slo meg nettopp 62 Juleglede i juli 63 Draumen blir aldri 64 Eg kjem liksom nærare 65 Saman 66 Du dryp saltvatn 67 Selskapsblære 68 Eg saknar deg 69 Klokkereim 70 Sist vi bles fram og av 71 Rundar året seint på kvelden 72 Tredje nyttårsdag 73 Eigen-presentasjon av ”Eg kan godt lika deg” ( frå 1991): Unge dikt? Unge dikt, dikt for ungdom? Kva er det for noko? Eg veit ikkje ganske. Dikta mine, gamle og unge, vil helst vera opne for alle som måtte rota seg borti dei. Likevel har eg kalla den siste diktsamlinga mi for Eg kan godt lika deg. Unge dikt. Og sleppt henne ut på by’n som ei diktbok for ungdom. Eg gjer det som eg lenge har gjort: Støyter eg på eit dikt, skriv eg det gjerne ned. Og har eg ”nok” sender eg dei til Oslo. Dei siste seks-sju åra har eg knapt bevega meg utanfor skuleområdet, lærar som eg er. Så det bare blei slik: Denne og førre boka mi blei ”ungdomsbøker”. Ja, kvardagslige observasjonar av unge menneske i og utanfor eit skulemiljø har gitt liv og kropp til mange av dikta i boka. Men stemningane og kjenslene i dei er sjølvsagt mine. Stemningar og kjensler eg har no, og som eg minnest å ha hatt, då eg var 7 ½ , 14 ½, 24 ½ osb. Det å vera forelska t.d. kjennest ikkje stort annleis no enn det gjorde då eg var 14 ½. Og det blir vel om lag det same, langt på veg, når eg er 74 og, vil eg tru. Det handlar altså mye om forelsking, om jenter (det er ein gut som snakkar), om å vera aleine – men ikkje nødvendigvis einsam, om draumar, om å leva, om å døy, om telefonar, klokkereimer og selskapsblærer – og litt om krig. (Dei dreiv og bomba Golfen då eg nærma meg slutten på boka.) For at de skal få smaka sorten – her er side 69 (Eg saknar deg): Eg saknar deg og strømpene dine. Eg saknar deg og den strenge tålmodige nasen din. Eg saknar deg og den luftige måten du seier ja vel! På. Og til haustferien drar eg til Loch Ness for å skriva dikt om innsjøen, utan å nemna sjøormen med eit ord. Tre tekstar: På julaftan, etter gåvene På julaftan, etter gåvene kjenner eg eg lengtar etter å vandra vennelaus rundt i dei råkalde, snølause Ryfylkeheiene. Ikkje heile natta, bare til eg kjenner blodsmaken i munnen, ser lysa frå Byrkjedal. (side 25) Eg kjem liksom nærare Eg kjem liksom nærare innpå deg når du nett har vaska håret. (side 65) Tredje nyttårsdag Tredje nyttårsdag klokka fem over midnatt heng drysset frå ein einslig fyrverkerirakett over Stavanger. Det er ein som har tenkt over saka, kjent etter. Og bestemt seg. (side 73)