INNHALD:
I(MORGON, STILLE STROK)
Ellinga, meldinga , Sandnes-guten 15
Sommardagen, hagen 16
Namn på terrassane 17
Hovudrolla 19
Geir Lunde, Hommersåk (eit Streetview-dikt) 21
Familien Viste -- Evig steinalder 23
Arilds dagar, Davids øl 25
Svein 27
Sjå namna 1 29
Sjå namna 2 30
Ja, systrene Furulund-Flata 31
Fagre Maria av Hafrsfjord 33
Andrea 34
To undulatar 36
Idrettsdag (Alle namn på kyrkjegarden) 37
Namnet Jesus 39
Vridde og vrengde 40
Charlotte Gluck-Willibald-Myhre 42
Russeprinsen Roald 43
Reidun Riise Brekke 45
II (MIDTVEGES)
Helgenar me minnest 49
Flinke-Frank og kundane 50
Johan Mihle Laugaland 52
Kjell-Erik Kvast Sausenebb-Hansen 54
Torlof von Hodne von Middelthon 55
Knappehandlar Kåre Åsen 56
Bonden Holger Seljesong 57
Reidar Braut, Randi Nessa og dei 58
Å, glade dag 59
Midtveges 61
Fem på gata / CV 62
Saul, kongen (1. Samuelsbok 24, 4) 65
I Trøndelag 66
Feta-song (etnisk) 68
Rio Cascada: Lita kjærleikssoge 69
Froskeprins på friarføter 70
Frukost før 75
Skallagrimsson 76
Erling Skjalgsson frå Sole 77
Havs-fjord? Hafrs-fjord? (eg spør to som burde veta) 78
På Eggebø, seier Eggebø 82
Gribbestad 84
Systrene Flyt-Flaateland 86
III (SKUMRINGAR, FRYNSER)
Ellinga, kveldinga 89
Neda (Sauefjøs ved flyplass-stripa 90
Babels Tårn (byggetrinn 1) 93
Vikeså, cirka 1913 96
Kain og Abel 97
Mordaren 98
Dronning Maud-dessert 99
Janne D'Ark og trælen Kark 100
Fylgja 102
Utburden i Grøtheims-vatnet syng 104
Faderens, sonens og den heilage andes namn 107
Eg heiter Arnt 108
Kva skjer'a, Bagheera? 109
Yetien 111
Vinnaren var 112
Sjå namna 3 113
Nina, koss er det 114
Henning 116
Ho traska innetter (Stord, 1981) 117
Sjå namna 4 118
Siv Jensen, Silje Salomonsen og dei 119
Din første klasse 120
Babels Tårn (byggetrinn 2) 122
Thilda Havsfjord Havestuen 124
IV (MORGON ATT)
Skumlesne linjer (Morgon-shanty) 127
Eia, heia 129
Lamek (1. Mosebok 4, 18) 130
Tilbake til Ruten 131
På takkelista / Etter rulleteksten 133
ETTERORD: HØYRDE DU I HAFRSFJORD? (namn, rim, stader) 135
FEM DIKT:
JOHAN MIHLE LAUGALAND
Johan Mihle Laugaland,
ingen var så staut som han,
passa vakta, heldt støtt stand,
sjøkadett på skipet Gann,
spelte kinasjakk og vann
Donald-renn på Ådneram,
volleyball på Solastrand,
sprettmatrosen Laugaland
lukta sjøsprøyt, lukta mann
hjartekammers stod i brann,
ingen var så kaut som han,
bysseguten Laugaland,
morgonfugl og ankermann,
først i masta, først i land,
alt han makta, rakk og vann,
rabagasten Laugaland,
villastrok på Hommersand,
seterhus i dalen Kvann,
dører stod på gap for han,
lystkadetten Laugaland,
opp ei trapp og inn ein tram,
Judaberg til Heng i Strand,
Jøssingfjord, jøss, jøsse namn;
hurraguten Laugaland
var vekke bak ein bakkekam,
der han lystig la frå land,
nammenammenammenam,
sa nybrotsmannen Laugaland,
lauga tunge, visdomstann,
stuttfinger og langemann,
lauga alt som laugast kan,
Johan Mihle Laugaland.
(Sidene 52, 53)
FETA-SONG (etnisk)
Ja, me sit her og delar ein feta,
det er eg og han Diego Bareta,
me har brukt opp vår siste peseta
for å eta,
for å eta.
Det er eg og han Diego Bareta
som no sit her og gneg på ein feta,
er me sakna i slåtten på Kreta?
Kven kan veta,
kven kan veta.
Me har kryssa dei røffaste streta,
ja, eg og han Diego Bareta
delar minna; dei skjønne bileta,
og ein feta,
og ein feta.
(side 68)
UTBURDEN I GRØTHEIMS-VATNET SYNG
«Mi mor,
mi mor,
gjekk på Syre sju år
med utslege hår.»
Utburden i Grøtheims-vatnet*
Døyp meg gjerne på ei von,
kall meg Guro, kall meg Jon,
eg har tolmod, flust med tid,
høyr min song om mora mi.
Ho var eit rivjern, stolt og frisk,
før ho smaka stokk og pisk,
det var eit slit, eit evig pes
i Syrebygd på Skudenes.
Eg skal ikkje fortelja alt;
mor var barbeint, livet kaldt,
så slokna ho bak same busk
som ein gasta kjerrekusk.
Ein time, to var livet godt,
og då ho vakna, demra brått,
var ho alt blitt langt på veg,
var det bare ho og meg.
Ho sprang ut hit, til Grøtheims-tjern,
utan engel, barnevern,
med ein unge; jente, gut,
ho kyste meg, og heiv meg ut.
Ho gjekk i utlegd seks-sju år
med ope hjarte, utslått hår,
og ingen sa: Kom inn, kom inn,
her er ly for hagl og vind.
Ho gjekk for vatn, gjekk for lut,
ho gjekk på kne, på trynet ut,
rundt og rundt rundt Syregrend,
ho svann or minnet, gjekk igjen.
Og vinden, åra, fyk så fort,
dei ruskar Karmøy-strå, fyk bort
over tuer, Karmøy-lyng,
kneblar ein som syng og syng.
Og då ein lærar, lærd og klok,
samla linjer til ei bok
med Skudenes sin minneskatt,
var snaue fire bundne att.
Fire linjer, 12 små ord
av songen min om mor, om mor,
dei skildrar koss ho gjekk og gjekk
rundt Syregrend, og gjekk seg vekk.
Ja, døyp meg gjerne på ei von,
kall meg Guro, kall meg Jon,
eg må få sagt, skal eg få ro:
Mora mi var bare god.
*Kjelde: Torkjell Mauland: Folkeminne frå Rogaland, 1928
(sidene 104 – 106).
VINNARANE VAR
Kitty Jorunn Hørthe
sat i sitt lune hus,
vann is-hanskar i Donald,
rett svar var Mikke Mus.
Og Sølvi Karin Pedersen
frå gilde Ormestad,
vann kvite kunstlaupskeiser
i same Donald-blad.
(Ho Kitty gjekk bort tidlig,
eg ser ein stutt notis,
og eit par Donald-hanskar
til bruk på skeiseis.)
(kjelde: Donald Duck & Co, nr 20, 1969)
(side 112)
LAMEK
(1.Mosebok 4, 18)
Han heitte Lamek, han var alt oppe,
han stoppa sokkar, han flikka skor,
han leigde hybel i 4. gate,
var jentegalen og stod i kor,
han duppa brødet i lunkent sodd
i byen Henok i landet Nod.
Snart letta skodda, då vakna sola,
fann fram til gluggen og kraup heilt inn,
dei fine jentene gjekk til torget,
og muren rundt var ei leikegrind,
og dauden hadde sånn passe brodd
i byen Henok i landet Nod.
Han stod opp tidlig, han vaska fjeset,
han levde enkelt; ei seng, eit bord,
han skulle flikka seg gjennom dagen,
med jentedraumen som rettesnor,
og byen bada i morgonskodd,
ja, byen Henok i landet Nod.
(side 130)
|
";
"Vers som er slentrande og sjarmfulle, rause, røffe og humoristiske. 
